बुटवल ।
रोटरी क्लव अफ बुटवल र रोट¥याक्ट क्लव अफ बुटवलले तिलोत्तमामा रहेको ज्येष्ठ नागरिक मिलन केन्द्रलाई भान्सामा प्रयोग हुने सामग्री हस्तान्तरण गरेका छन् ।
शुक्रबार एक कार्यक्रमका बीच दुईवटा क्लवले संयुक्त रुपमा तिलोत्तमाको श्रृंगेश्वर धाम परसरमा रहेको ज्येष्ठ नागरिक मिलन केन्द्रमै पुगेर किचन सामग्री हस्तान्तरण गरेका हुन् । केन्द्रका अध्यक्ष यदुनाथ पाण्डेलाई सामग्री हस्तान्तरण गरिएको हो ।
त्यस अवसरमा केन्द्रका अध्यक्ष पाण्डेले क्लवले प्रदान गरेको किचन सामग्रीले केन्द्रमा रहेका ज्येष्ठ नागरिकलाई फाइदा पुग्ने बताए । उनले यस्ता मानवीय र रचनात्मक कार्यलाई आगामी दिनमा पनि जारी राख्न क्लवलाई आग्रह गरे ।
रोटरी क्लव अफ बुटवलका अध्यक्ष बोनिन पियाले ज्येष्ठ नागरिक मिलन केन्द्रलाई किचन सामग्री प्रदान गर्न पाउँदा खुशी लागेको बताए । उनले ज्येष्ठ नागरिकहरुको सुख दुःखमा क्लव सधै साथमा रहेको बताए ।
कार्यक्रममा रोटरीयनहरु कृष्ण पराजुली, जिवकान्त काफ्ले, रोट¥याक्ट क्लव अफ बुटवलका अध्यक्ष नविन बन्जाडेलगायतले पनि आ–आफ्नो धारणा राखेका थिए ।