बुटवल ६ चैत्र ।
नवीन औद्योगिक कदर बहादुर रीता मा.वि.देवीनगरमा सोमवार शिक्षा समूह कक्षा ११ का विद्यार्थीहरुले कक्षा १२ का विद्यार्थीहरुलाई बिदाइ गरेका छन् ।
उक्त अवशरमा मन्तब्य ब्यक्त गर्दै बुटवल उपमहानगरपालिका माध्यमिक शिक्षा शाखा प्रमुख टिकाराम पन्थीले नेपालमै अब्बल विद्यालयमा पढ्ने अवशरका लागि गर्व गर्नु पर्नेमा जोड दिदै भने, गुणस्तरीय शिक्षा दिएर असल नागरिक बनाउने जिम्मा तपाईहरुको काँधमा आउने हुँदा अनुशासित र लगनशील भएर उच्च शिक्षा लिनुहोला ।
शिक्षा समूह कक्षा ११ का विद्यार्थी खिम बहादुर रास्कोटीको अध्यक्षतामा स्नेहा भुसाल र मनिष खड्काको संचालनमा सम्पन्न कार्यक्रममा विद्यालय व्यवस्थापन समितिका अध्यक्ष कृष्ण प्रसाद खरेल, विद्यालयका प्रधानाध्यापक प्रेम बहादुर बस्नेत, सहायक प्रअ रोमनाथ घिमिरे, अर्जुन खनाल, विद्यार्थीहरु कोमल ज्ञवाली, निरज श्रेष्ठ, मदन सुनार, रेखा बन्जाडे लगायतले धारणा राखेका थिए । कार्यक्रममा विद्यार्थीहरुले रोचक नृत्य प्रदर्शन गरेका थिए ्र

उक्त अवशरमा सप्रअ शिक्षा समूह इन्चार्ज रोमनाथ घिमिरे, कक्षा ११ का कक्षा शिक्षक तथा शंकर माविका प्रअ टंक प्रसाद पौडेल र सुसुम पौडेल लगायतले सहजीकरण गरेका थिए ।