बुटवल ११ मंसिर ।
अर्घाखाँचीको पाणिनी ५ मैदानमा घिमिरे कुलवन्धुहरुको कुल पुजामा जग्गादाता तथा जेष्ठ नागरिकहरुलाई सम्मान गरिएको छ । साविकको मैदान –४ स्थित घिमिरे कुलवन्धुहरुको कुल–पूजा स्थलमा स्थायी मन्दिर निर्माणार्थ आवश्यक पर्ने जगगा दान गर्ने स्वर्गिय ढुण्डीराज घिमिरेकी धर्मपत्नी भुमकला घिमिरे र अर्का जग्गादाता पुनाराम घिमिरे र शिवकला घिमिरेलाई सम्मान गरिएको हो ।
कुल–पूजाका दिन स्वर्गिय नन्दराम घिमिरेका माइला सुपुत्र भविश्वर घिमिरे, स्वर्गिय चिन्तामणि घिमिरेका जेष्ठ सुपुत्र देवीप्रसाद घिमिरे र स्वर्गिय छविलाल घिमिरेकी धर्मपत्नी गुनकला घिमिरेलाई सम्मान गरिएको हो । ९३ वर्षका तीनै जनालाई पंण्डित यादवप्रसाद घिमिरेद्धारा दोसल्ला ओढाएर तथा सम्मान पत्र प्रदान गरेर सम्मान गरिएको थियो ।
कार्यक्रममा पुनाराम घिमिरे, डीआर घिमिरे, जीवलाल घिमिरे, हिमलाल घिमिरे, अनन्तप्रसाद घिमिरेलगायतले कार्यक्रमका बारेमा चर्चा गरेका थिए । यस किसिमको कार्यक्रमले धार्मिक सस्कार र परम्परालाई अगाडी बढाउनुका साथै भाइवन्धुहरुमा आत्मियता झन बढाउने र समाजमा राम्रो सन्देश जाने चर्चा गरिएको थियो । घिमिरे कुलवन्धुहरुले यसै वर्ष मात्र कुल –पुजा स्थलमा आर्कषक मन्दिर निर्माण गरेका छन् । सो मन्दिर बनाउन देश विदेशमा रहेका घिमिरे कुलवन्धुहरुले आर्थिक संकलन गरेका थिए । कार्यक्रममा नेपाल तथा भारतका विभिन्न स्थानका अतिरिक्त अन्य मुलुकमा रहेका घिमिरे कुलवन्धुहरुको पनि उपस्थीति रहेको थियो । कार्यक्रममा पण्डित इश्वरीप्रसाद अधिकारी, यादवप्रसाद घिमिरे, जेदुराम वेल्वासे, मनिराम अधिकारी, घनश्याम घिमिरे, घनश्याम कोइराला, डिल्लिराज वेल्वासे, घनश्याम घिमिरेलगायतका पण्डितहरुको विशेष उपस्थीतिमा वेद, चण्डी, गीतालगायतका पाठ तथा रुद्धिसहित पुजा गरिएको थियो । सात्विक रुपमा वैदिक बिधि अनुसार कुल–पूजा गर्ने यी घिमिरे वन्धुहरुले विभिन्न सात्विक परिकारहरु बनाउने गर्छन् । त्यस्तै विशेष आर्कषक रुपमा रोट (ठूलो रोटी) पकाएर कुल–पूजामा चढाउने गर्दछन् । कार्यक्रममा मन्दिर निर्माणका लागि योगदान पु¥याउने सहयोगदाता तथा निर्माण समितिका पदाधिकारीसहित सबैलाई धन्यवाद ज्ञापन गरिएको थियो । निर्माण कार्यमा योगदान पु¥याएवापत निर्माणकर्मीलाई पनि सम्मान गरिएको थियो ।