२०८१ भाद्र २३
बुटवल, २४ फागुन ।
अन्तर्राष्ट्रिय श्रमिक महिला दिवशका अवसरमा बुटवलस्थित कान्ति माबिमा “लैङ्गिक समानताको बलियो आधारः सिर्जनात्मक प्रविधिमा महिलाको पहुँच र विस्तार” बिषयक वक्तृत्वकला प्रतियोगिता सम्पन्न भएको छ ।
सो प्रतियोगितामा लक्ष्मी अधिकारी प्रथम, सविना सुवेदी द्वितिय, मिना न्यौपाने तृतिय र दीपा बस्यालले सान्त्वना पुरस्कार हातपार्न सफल भएका छन् । बिजेताहरुलाई बुटवल उपमहानगरपालिकाका पूर्व उपप्रमुख गुमादेवी आचार्य, विद्यालय व्यवस्थापन समितिका अध्यक्ष हेमानन्द शर्मा, प्रधानाध्यापक गोविन्द ज्ञवाली, कार्यक्रम संयोजक कमला खनाल लगायतले नगद पुरस्कार, प्रमाणपत्र र शिल्ड प्रदान गरेका थिए ।
साथै कार्यक्रममा सहभागि सम्पुर्ण महिला कर्मचारी तथा शिक्षिकाहरुलाई बिद्यालयको तर्फबाट सम्मान गरिएको कार्यक्रम संयोजक कमला खनालको भनाई छ । पूर्व उपप्रमुख गुमादेवी आचार्य, विद्यालय व्यवस्थापन समितिका अध्यक्ष हेमानन्द शर्मा, प्रधानाध्यापक गोविन्द ज्ञवाली, कार्यक्रम संयोजक कमला खनाल लगायतले नारी दिवशको महत्व र नारीका समस्याहरुका बारेमा चर्चा गरेका थिए ।