बुटवल ३ चैत ।
रुपन्देही प्रहरीले सवारी साधन चोरी गर्नेलाई पक्राउ गरेको छ । जिल्ला प्रहरी कार्यालय रुपन्देहीका अनुसार
यही चैत १ गते रातको समयमा सिनपा ८ अन्नपुर्ण टोल स्थित भित्री सडक छेउमा रोकी राखेको कुन्दन श्रेष्ठको नाउँमा दर्ता रहेको लु१च ७८२२ नं. को छोटाहात्ती अपरिचित व्याक्तिहरुले चोरी गरि लगेको भन्ने सुचना प्राप्त भए पश्चात जिल्ला प्रहरी कार्यालय रुपन्देहीबाट प्रहरी टोली खटिएको थियो । उक्त छोटाहात्ती सवारी साधन खोजतलास गर्दै जाने क्रममा गए राती सिनपा ९ नालन्दा स्कुल पछाडी खाली खेतमा रोकी राखेको अबस्थामा फेला परेको प्रहरीले जनाएको छ । सो सवारी साधन भित्र शंकास्पद रुपमा बसिरहेका पछि खुल्न आएका जिल्ला रुपन्देही सिद्धार्थनगर नगरपालिका वडा नं.८ बस्ने वर्ष २३ को रिवेश गुरुङ र जिल्ला रुपन्देही सिद्धार्थनगर नगरपालिका वडा नं. ३ बस्ने वर्ष २४ को बिबेक परियारलाई पक्राउ गरी रुपन्देही जिल्ला अदालतबाट दिन ५ म्याद थप गरी अनुसन्धान कार्य भईरहेको जिप्रकाले जनाएको छ ।