बुटवल १२ पुस ।
नवीन औद्योगिक कदर बहादुर रीता मावि देवीनगरमा विद्यालयको ४९ औ वार्षिक उत्सवको पूर्व सन्ध्यामा खेल सप्ताह शुक्रबारबाट शुरु भएको छ।
खेल सप्ताहको शुभारम्भ गर्दै बुटवल उपमहानगरपालिका वार्ड नं ११ का वडा अध्यक्ष एवं विद्यालयका संरक्षक रामचन्द्र क्षेत्रीले शैक्षिक गुणस्तरमा राष्ट्रिय स्तरमा अबल यस विद्यालय खेलकुदका प्रत्येक विधामा उत्कृष्ट रहेकोमा खुसी व्यक्त गरे । खेल क्षेत्रबाट यस विद्यालयका विद्यार्थीहरू राष्ट्रिय स्तरमा पुग्न सकुन र विद्यार्थीहरूलाई शिक्षा सँगसँगै शारीरिक तन्दुरुस्तता पनि उत्तिकै महत्वपूर्ण रहेकोले विद्यालयमा गरिने यस्ता कार्यक्रमको माध्यमले विद्यार्थीहरूलाई चौतर्फी विकास गर्नेधारणा व्यक्त गरे।खेल सप्ताहको अवसरमा विद्यालयले फुटबल ,क्रिकेट ,भलिबल ,एथलेटिक्स लगायतका खेलविधाहरू आयोजना गरेको छ। विद्यालयको वार्षिक कार्यतालिका अनुसार खेल सप्ताह पौषको १८ गतेबाट आयोजना गरिएकोमा पौष १६ देखि १८ सम्म छैठौँ राष्ट्रपति रनिशील प्रतियोगिता २०८१ आयोजना हुने भएको हुनाले खेल सप्ताह परिवर्तन गरिएको विद्यालयले जनाएको छ।
उक्त खेल शुभारम्भमा भलिबल खेल संयोजक रोशन तिवारी र भलिबलका टिम क्याप्टेन अभिशेष नेपालीलाई प्रमुख अतिथिले भलिबल हस्तान्तरण गरेका थिए ।
विद्यालयका प्रधानाध्यापक प्रेमबहादुर बस्नेतको अध्यक्षतामा कक्षा १२ व्यवस्थापन समूहकी विद्यार्थी सपना भण्डारीको सञ्चालनमा सम्पन्न कार्यक्रममा खेल प्रशिक्षक नवराज खरेलले स्वागत मन्तव्य व्यक्त गरेका थिए।