बुटवल।

पाँचदलीय सत्तागठबन्धनले रुपन्देही क्षेत्र नम्बर २ मा जनमुक्ति पार्टीका उम्मेदवार केशवबहादुर थापामगरलाई समर्थन जनाउने निर्णय गरेको छ ।गठबन्धनका उम्मेदवार बनेका नेकपा एसका राजु गुरुङको उम्मेदवारी खारेज भएको थियो । बुधवार गठबन्धन दलका शीर्ष नेताहरू नेपाली कांग्रेसका सभापति शेरबहादुर देउवा, नेकपा (माओवादी केन्द्र) का अध्यक्ष पुष्पकमल दाहाल प्रचण्ड, एकीकृत समाजवादीका अध्यक्ष माधवकुमार नेपाल र राष्ट्रिय जनमोर्चाका अध्यक्ष चित्रबहादुर केसीले संयुक्त विज्ञप्ति प्रकाशित गरी गठबन्धनको तर्फबाट थापालाई समर्थन गर्ने निर्णय गरिएको जानकारी दिएका छन् ।

रुपन्देही २ मा उम्मेदवारी दिएका जनमुक्तिका थापा सो पार्टीको केन्द्रीय कार्यकारी उपाध्यक्ष हुन् । यो क्षेत्रमा नेकपा एमालेका उपाध्यक्ष विष्णु पौडेल उम्मेदवार छन् । लगातार तीन पटक  चुनाव जितेका पौडेलको अब प्रमुख प्रतिस्पर्धी थापा हुनेछन् ।