बुटवल, १७ असोज ।
बुटवलको बसपार्कमा यात्रु तथा स्वास्थ्य सहायता कक्ष स्थापना गरिएको छ । हिन्दुहरुको महान चाड बडा दशैंको आगमनसँगै यात्रुहको भिडभाडलाई ध्यान दिएर यात्रु र सवारी साधनको सुरक्षा तथा संभावित जोखिम न्यूनिकरण गर्ने उद्देश्यका साथ सहायता कक्ष स्थापना गरिएको हो ।
बुटवल उपमहानगरपालिकाले बिभिन्न सरोकारवाला निकाय र संघसंस्थाहरुको सहकार्यमा बुटवलको बसपार्कमा यात्रु तथा स्वास्थ्य सहायता कक्ष स्थापना गरिएको जनस्वास्थ्य शाखा प्रमुख युवराज पाण्डेले बताए । भिडभाडका कारण यात्रुहरुलाई पर्ने समस्या, गन्तब्य र सवारी साधनको बारेमा जानकारी, चोरी लुटपाटलगायत बिभिन्न प्रकारका असुरक्षा, आकस्मिक रुपमा उत्पन्न हुने शारिरिक स्वास्थ्य समस्या लगायतका ब्यक्तिगत घटनाका बारेमा समेत सहयोग गर्ने उद्देश्यले हेल्प डेस्क राखिएको शाखा प्रमुख पाण्डेले बताएका छन् ।
हेल्प डेस्क शुभारम्भका अवसरमा पश्चिम नेपाल बस ब्यबसायी प्रा.लि.का अध्यक्ष दधिराम खरेलले बर्षमा एकपटक आउने दशैं तिहार जस्तो महत्वपुर्ण चाडपर्वमा यात्रुहरुलाई सुरक्षित र मर्यादित तरिकाले गन्तब्यमा पु¥याउन चालकहरुको दायित्व भएको बताए । ब्यबसायी र चालकहरु गम्भिर भएर सेवाभावले यात्रुहरुको हितमा लाग्नुपर्नेमा उनले जोड दिए । यात्रुहरुलाई गन्तब्यमा पु¥याउदैै गर्दा दशैंमा उनिहरुले टिका र जमराका साथमा ठुलाबडाबाट पाएको आशिर्वाद चालकहरु र ब्यबसायीहरुलाई पनि प्राप्त हुने बिश्वास ब्यक्त गरेका छन् ।

सो अवसरमा सुरक्षित यात्रा नेपालका संरक्षक अर्जुन रानाभाटले चाडपर्वको समयमा हुने संभावित दुर्घटना रोक्न बिभिन्न उपायहरुको बारेमा चर्चा गर्दै यात्रुहरुको सामान र ब्यक्तिगत सुरक्षामा बिशेष ध्यान दिन आग्रह गरेका थिए । दुर्घटना न्यूनिकरणका अभियान्ता नारायण घिमिरे, सुरक्षित यात्रा नेपालका अध्यक्ष कृष्ण प्रसाद बेलबासे, पत्रकार हरिश ढकाल, प्रहरी अधिकृतहरु, बस ब्यबसायीहरु लगायतले चालक तथा सहचालकहरुलाई सहजीकरण गर्दै सचेतना जागृतीबारे अभिमुखीकरण गरेका थिए ।
बुटवल उपमहानगरपालिकाको आयोजना र नेपाल प्रहरी, ट्राफिक प्रहरी, बस ब्यबसायी प्रा.लि, सुरक्षित यात्रा नेपाल लगायत बिभिन्न संघसंस्थाहरुको सहकार्यमा संचालन गरिएको सो हेल्प डेस्कबाट बिभिन्न जिल्ला र शहरहरुको दुरी र टिकट दर बारे जानकारी दिने गरिएको छ । साथै संभावित घटना न्यूकिरणका लागि पनि सचेतना जागृत गर्ने र सजगता अपनाउने बिषयमा पनि जानकारी गराउने गरिएको छ ।