बुटवल ६ साउन ।
नवीन औद्योगिक कदर बहादुर रीता माध्यमिक विद्यालय देवीनगरमा कक्षा ११ मा अध्ययनरत नव आगुन्तुक विद्यार्थीहरुको अभिमुखीकरण कार्यक्रम गरिएको छ । विद्यालयमा व्यवस्थापन र शिक्षा समूह कक्षा ११ मा अध्ययनरत नव आगुन्तुक विद्यार्थीहरुको अभिमुखीकरण कार्यक्रम मंगलवार गरिएको हो ।
उक्त अवशरमा मन्तब्य व्यक्त गर्दै शिक्षा विकास निर्देशनालय लुम्विनी प्रदेशका निमित्त महानिर्देशक नारायण प्रसाद पोखरेलले जीवनको यात्रा लामो छ छुट्टै अफ्ठ्याराहरु छन् तर अनुशासित भएर निरन्तर लाग्ने र धैर्यता राख्ने हो भने सफल भैइनेमा जोड दिए । मानिसका इच्छा चाहाना पुरा गर्न बर्तमानमा केहि चिजलाई त्याग्न पर्ने र भविष्यको खुशी र सुखका लागि बर्तमानमा योजना बनाएर अगाडी बढ्न विद्यार्थीहरुलाई उनले आग्रह गरे । मानिस असल बन्नु पर्ने र असल व्यक्तिले जे पेशा गरे पनि असल, राम्रो र नैतिक हुने उनको भनाइ छ ।
उत्प्रेणात्मक वक्ता बुटवल बहुमुखी क्याम्पस व्यवस्थापन संकायका अध्यापक दिपक ढकालले विद्यार्थीहरुलाई व्यवस्थापन समूह छनौट गरेकोमा खुशी व्यक्त गर्दै व्यवस्थापन समुहमा धेरै अवसरहरु भएकोले उक्त अवसरलाई ग्रहण गर्ने गरी लाग्न सबै विद्यार्थीहरुलाई आग्रह गरे ।
कार्यक्रममा विद्यालयका प्रधानाध्यापक प्रेम बहादुर बस्नेतले विद्यालयको समग्र अवस्थाका बारेमा जानकारी गराएका थिए ।
सहायक प्रधानाध्यापक अर्जुन खनालले विद्यालयको आचार संहिता २०८२ विद्यालयका नीति नियम बारेमा सहजीकरण गरेका थिए ।
विद्यालयका प्रधानाध्यापक प्रेम बहादुर बस्नेतको अध्यक्षतामा व्यवस्थापन समुह कक्षा १२ की विद्यार्थी सुस्मिता के।सी।को संचालनमा सम्पन्न कार्यक्रममा विद्यालयका सहायक प्रधानाध्यापक तथा शिक्षा समूह इन्चार्ज रोमनाथ घिमिरेले स्वागत मन्तब्य व्यक्त गरेका थिए । उक्त कार्यक्रममा विद्यालयका संस्कृतिक संयोजक अर्जुन शाह ठकुरीको नेतृत्वमा कलाकारहरुले नृत्य प्रस्तुत गरेका थिए ।

विद्यालयमा विज्ञान, सिभिल इन्जिनियरिङ र कानुन समुहलाई पहिलो चरणमा व्यवस्थापन समूह अन्तरगत होटल व्यवस्थापनलाई दोस्रो चरणमा र होटल व्यवस्थापन बाहेक कम्प्युटर, वित्ताशास्त्र, बजारशास्त्र, अर्थशास्त्र विषय अध्ययन गर्ने र शिक्षा समुहमा अध्ययन गर्ने विद्यार्थीहरुलाई तेस्रो चरणमा अभिमुखीकरण कार्यक्रम आयोजना गरिएको हो । विद्यालयमा विज्ञान, सिभिल इन्जिनियरिङ, कानुन र शिक्षा समुहमा करिव १२ सय विद्यार्थीहरु भर्ना भएका छन् विद्यालयमा हालै मन्टेश्वरी देखि १२ सम्म ५ हजार विद्यार्थीहरु अध्ययनरत रहेका छ ।

यस अघि सोमबार नवीन औद्योगिक कदर बहादुर रीता माध्यमिक विद्यालय देवीनगरमा कक्षा ११ व्यवस्थापन समूह अन्तर्गत होटल व्यवस्थापनमा अध्ययनरत विद्यार्थीहरुको अभिमुखीकरण कार्यक्रम गरेको थियो ।

कार्यक्रममा बुटवल उपमहानगरपालिका वडा नं. ११ का वडा अध्यक्ष एवं विद्यालयका संरक्षक राम चन्द्र क्षेत्रीले विद्यार्थीहरुले घोकेर अध्ययन गर्नु भन्दा बुझेर अध्ययन गरेमा पढाइ दिगो हुनेमा जोड दिएका थिए ।
सहजकर्ता होटल व्यवस्थापनमा लामो अनुभव भएका दिवाकर प्रधानले होटल व्यवस्थापनको अहिलेको समयमा आवश्यकता माग तथा आकर्षण होटल व्यवस्थापनमा बढ्दै गएको हुँदा प्रयोगात्मक पक्षलाई ध्यानपूर्वक कार्यान्वन गर्न आग्रह गरे ।
विद्यालयका प्रधानाध्यापक प्रेम बहादुर बस्नेतले विद्यालयका समग्र अवस्थाको बारेमा प्रकाश पार्नु पारेका थिए ।
विद्यालयका सहायक प्रधानाध्यापक अर्जुन खनालले विद्यार्थीले पालना गर्नु पर्ने आचारसंहिता २०८२ को सम्बन्धमा सहजीकरण गरेका थिए । कार्यक्रममा व्यवस्थापन समूह कक्षा ११ का इन्चार्ज जयराम पन्थी र होटल व्यवस्थापनका संयोजक आशिष के.सी. लगायतले धारणा राखेको कार्यक्रमको संचालन व्यवस्थापन समूह कक्षा १२ कि विद्यार्थी रक्षा भट्टराई गरेकी थिइन् ।
कार्यक्रममा सांस्कृतिक संयोजक अर्जुन शाह ठकुरीको नेतृत्वमा विद्यार्थीहरुले रोचक नृत्य प्रस्तुत गरेका थिए ।