बुटवल,१० बैशाख ।
लायन्स क्लव इन्टरनेशनल डिष्ट्रिक ३२५ पि नेपालको सेकेन्ड भाईस डिष्ट्रिक गभर्नरका उम्मेदवारबालाराम भट्टराईलाई जिताउन अपिल गरिएको छ । भट्टराईसहित उनलाई अगाडी सारेका लायन्स क्लवहरुसग सम्वन्धित ब्यक्तित्वहरुले भट्टराईले लायन्स क्लवमा आवद्ध भएर महत्वपूर्ण योगदान दिएको भन्दै उनलाई लायन्स क्लव इन्टरनेशनल डिष्ट्रिक ३२५ पि नेपालको सेकेन्ड भाईस डिष्ट्रिक गभर्नरमा जिताउनुपर्नेमा जोड दिए ।
आईतबार बुटवलमा पत्रकार सम्मेलन गरी उनीहरुले भट्टराई अगाडी सार्नुको कारणहरु समेत राखेका थिए । त्यस्तै भट्टराई आफ्नो उम्मेदवारी के का लागि भन्ने बारेमा समेत स्पष्ट पारेका थिए ।
आफू लायन्समा आवद्ध भएपछि धेरै योगदान गरेको भन्दै थप योगदान गर्नका लागि सबै मतदातालाई मतदान गर्न उनले आग्रह गरे।

सन् २००८ देखि लायन्सको यात्रामा रहेका भट्टराईले आफूलाई थप गतिशिल बनाउनको लागि पनि मतदान गरी जिताउन आग्रह गरे ।

लायन्स क्लबका कार्यक्रमलाई नयाँ पन दिने आफ्नो योजना रहेको भन्दै उनले महाधिवेशनमा जिताउन अपिल गरेका छन् ।

१५ वटा डिष्ट्रिक मध्ये सबैभन्दा ठूलो यो डिष्ट्रिकमा ५ वटा एरिया रहेका छन् । त्यस्तै १८६ क्लवबाट ३०४ मतदाता छन् । त्यसमध्ये आफूलाई ६० प्रतिशत भन्दा बढी मत प्राप्त हुने उनको विश्वास छ ।

लायन्स क्लव इन्टरनेशनल डिष्ट्रिक ३२५ पि नेपालको यहि बैशाख १६ गते रुपन्देहीमा महाधिवेशन हुदैछ ।