२०८१ असार १०

एसिया कप क्रिकेट शुरु
  • लुम्बिनी खोज
  • २०८० भाद्र १३, बुधबार ०९:१२ गते

बुटवल,१३ भदौ ।

१६औँ संस्करणको एसिया कप बुधबारदेखि पाकिस्तानको मुल्तानमा सुरु हुँदै छ । प्रतियोगिताको उद्घाटन खेलमा नेपालले आयोजक पाकिस्तानको सामना गर्दै छ । विश्व क्रिकेटकै चिरपरिचित प्रतिद्वन्द्वी भारत र पाकिस्तानले सहभागिता जनाउने भएका कारण एसिया कप चर्चित अन्तर्राष्ट्रिय प्रतियोगितामा पर्छ । यो प्रतियोगिता दुईपटक टी–२० फर्म्याटमा भएको थियो । यसबाहेक अन्य संस्करण ५० ओभरको फर्म्याटमा सञ्चालन भएको थियो ।

सन् १९८४ मा युएईमा पहिलोपटक प्रतियोगिता भएको थियो । पहिलो संस्करणमा तीन राष्ट्रले मात्र भाग लिएका थिए । सन् २००४ मा एसिसीले एसिया कपमा ६ राष्ट्र समावेश गरेको थियो । एसिसीले प्रतियोगिता ढाँचा गरिरहेको हुन्छ । यसैकारण सन् २०१४ मा एसिया कपमा पाँच राष्ट्र मात्र समावेश भए । सन् २०१८ देखि प्रतियोगितामा ६ राष्ट्रले भाग लिइरहेका छन् । प्रतियोतिगामा सबैभन्दा सफल भारत र श्रीलंका हुन् ।