२०८१ असार ७

नारायणगढ–मुग्लिन सडक आजदेखि दैनिक चार घण्टा बन्द हुने
  • लुम्बिनी खोज
  • २०८० पुष ७, शनिबार १६:४२ गते

बिहान ११ देखि दिउँसो ३ बजेसम्म सडक बन्द

बुटवल, ७ पुस ।

नारायणगढ–मुग्लिन सडकखण्डको तुइन खोलामा पुल बनाउन भित्तो काट्नुपर्ने भएपछि आजदेखि दैनिक चार घण्टा सवारीसाधन चलाउन नपाइने भएको छ। बिहान ११ देखि दिउँसो ३ बजेसम्म सडक बन्द रहनेछ।

भिर भएको ठाउँमा पुल बनाउनुपर्ने भएकाले यातायात सेवा बन्द गरेर नै काम गर्न लागिएको हो। चितवन र तनहुँतर्फका विभिन्न ६ स्थानमा सवारीसाधन रोकिनेछन्। नागढुंगा–मुग्लिन सडक आयोजना पश्चिम खण्ड (नारायणगढ–मुग्लिन)का सूचना अधिकारी कृष्ण आचार्यका अनुसार नारायणगढबाट मुग्लिनतर्फ जाने सवारीसाधनमध्ये यात्रुबाहक सवारीसाधन पन्ध्रकिलो बजारदेखि जुगेडीसम्म बिहान १०:४० बजेसम्म चलाउन पाइनेछ भने मालबाहक सवारीसाधन भतेरी जंगलदेखि रामनगरसम्म बिहान १०:३० बजेसम्म मात्र चलाउन पाइनेछ।