काठमाण्डौं ६ फागुन ।
समाजवादी मोर्चाको संयोजकमा नेकपाका महासचिव नेत्रविक्रम चन्द विप्लव चयन भएका छन् । चार दल सम्मिलित समाजवादी मोर्चाको आइतबार बसेको बैठकले विप्लवलाई संयोजक बनाउने निर्णय गरेको हो ।

यसअघि मोर्चाको संयोजक एकीकृत समाजवादीका अध्यक्ष माधवकुमार नेपाल थिए । बैठकले बाँकी रहेका जिल्लामा समाजवादी मोर्चा विस्तार गर्ने निर्णय गरेको छ।

अहिलेसम्म ५८ जिल्लामा समाजवादी मोर्चा विस्तार भइसकेको मोर्चाले जनाएको छ । मोर्चामा माओवादी केन्द्र, एकीकृत समाजवादी, जसपा र नेकपा सहभागी छन् ।