बुटवल २ चैत ।
बुटवल स्थीत कालिका मानवज्ञान माविका कानून संकायमा अध्ययनरत विद्यार्थीले ‘कालिका संसद’ को अभ्यास गरेका छन् । शनिवार कानुन विद्यार्थी समाज कालिकाको आयोजनामा नमुना संसद अभ्यास गरिएको हो । संसदकै झल्को दिने गरी विद्यार्थीहरुले अभ्यास गरे ।
कार्यक्रममा संसदमा जस्तै विशेष र शुन्य समयको पनि अभ्यास गरिएको थियो । विद्यार्थीहरुले रोचक र जोडदार रुपमा धारणा राखेका थिए ।
कार्यक्रममा सभामुखको भूमिका काजल पाण्डे, सचिवको भुमिका सदिक्षा भट्टराई, उप सचिवको भुमिका विन्दु पौडेलले निर्वाह गरेका थिए । राष्ट्रपति दिया आचार्य, प्रधानन्त्रीको भूमिकामा विवस पाण्डेरहेका थिए । त्यस्तै विभिन्न मन्त्रीहरुका अतिरिक्त सचेतकको भुमिकामा पनि विद्यार्थीहरु देखिएका थिए ।
विद्यार्थीहरुले शुन्य समयमा विविध समस्याको विषयमा सरकारको ध्यानाकर्षण गराएका थिए । विशेष समयमा समसमायीक विषयमा आ आफ्नो धाराणा प्रस्तुत गरेका थिए ।कार्यक्रममा विद्यार्थीहरुले नमुना अभ्यास अन्तरगत प्रधानमन्त्रीको चयन, संसदमा विधेयक दर्ता देखि लिएर पारित गर्ने सम्मका गतिविधि समेत गरेका थिए । विद्यालयका कानुन संकाय संयोजक युवराज कन्डेलका अनुसार विद्यार्थीहरु माझ यस किसिमका अभ्यासहरु गर्दै आइरहेको भन्दै यस पटकको अभ्यासमा राष्ट्रपति कार्यालयबाट संसद आब्हानको पत्र समेत प्राप्त भएको संसदलाई जानाकारी गराउने सम्मको भुमिका प्रस्तुत भएको बताए । संसदमा हुने विभिन्न गतिविधिबारे जानाकारी हासिल हुने गरी विद्यार्थीहरुलाईले भुमिका खेलेका थिए ।

कार्यक्रममा बोल्दै शिक्षा विकास तथा संमन्वय एकाई रुपन्देहीका प्रमुख माधव बन्जाडेले पछिल्लो समयमा कानून विषय सबैको लागि अनिवार्य आवश्यकता जस्तै भएको बताएका थिए । उनले कानून व्यवहारिक विषय समेत भएकोले विद्यार्थीहरुले गरेको नमुना अभ्यास आफैमा गौरवपूर्ण भएको बताए ।
विद्यालयका प्रधानाध्यापक दिनेश थापाले व्यवहारिक अभ्यास संगै कालिका मानवज्ञान मावि अगाडी बढिरहेको बताउँदै सबैको साझा प्रयासबाट विद्यालयको नतिजा सुधार देखि लिएर सबै क्षेत्रमा कायपलट गर्न सकिने धाराणा राखेका थिए ।
विद्यालयका पूर्व प्रधानाध्यापक तथा बुटवल कालिका क्याम्पसका क्याम्पस प्रमुख घनश्याम पाठकले विद्यार्थीहरुको अभ्यास कला विकासको लागि यी र यस्ता प्रकृतिका कार्यक्रम आवश्यक रहेको बताएका थिए । उनले कानून विषय आफैमा व्यवहारिक रहेको भन्दै यसको महत्व पछिल्लो समयमा अझ बढ्दै गएको बताएका थिए ।

समाजका अध्यक्ष सन्जोग न्यौपानेको अध्यक्षतामा भएको कार्यक्रममा विद्यालय व्यवस्थापन समितिका अध्यक्ष नित्यानन्द ज्ञवाली, बुटवल कालिका क्याम्पसका अध्यक्ष तथा कालिका मानवज्ञान माविका पुर्व विद्यालय व्यवस्थापन समिति अध्यक्ष होम गलामी, विद्यालयका सह प्रध्यानाध्यापक पिताम्बर बन्जाडे, व्यवस्थापन ईन्चार्ज शेरचन्द गिरी, कानून संकाय ईन्चार्ज विमल आत्रेय सहित का कानुन संकाय संयोजक युवराज कन्डेललगायतको उपस्थीति रहेको कार्यक्रम विद्यालयका शिक्षक अधिवक्ता दामोदर घिमिरेको संयोजकत्वमा सम्पन्न भएको थियो ।