बुटवल १४ भदौ ।

लुम्बिनी प्रदेश सभा सदस्य सरिता पुनको शनिबार निधन भएको छ । उपचारका क्रममा काठमाडौंस्थित शिक्षण अस्पताल महाराजगञ्जअन्तर्गत मनमोहन कार्डियोथोरासिक सेन्टरमा निधन भएको लुम्बिनी प्रदेश सभामा एमालेका प्रमुख सचेतक तुलसीप्रसाद चौधरीले  बताए ।

पूर्वीरुकुम तकसेरा निवासी पुनलाई उपचारका लागि काठमाडौँ लगिएकोमा उपचारकै क्रममा निधन भएको छ ।

अस्पतालमा एकैपटक दुईवटा मेजर अपरेसन गरिएको थियो । पहिलो अपरेसनमार्फत उनले छोरीलाई जन्म दिएकी थिइन् भने दोस्रो अपरेशन गरी मुटुमा कृत्रिम भल्भ प्रत्यारोपण गरिएको थियो । प्रमुख सचेतक चौधरीका अनुसार पुनलाई पहिलादेखि नै मुटुसम्वन्धी रोग थियो । एमाले नेतृ पुन एमालेबाट समानुपातिक निर्वाचन प्रणालीमार्फत प्रदेश सभा सदस्य चुनिएकी थिइन् ।