२०८१ भाद्र २३
भैरहवा,२२ साउन ।
नेपाली कांग्रेस रुपन्देहीले पार्टीको १० दिने बिषेश अन्तरिक अभियान सुुरु गरेको छ । पार्टीको केन्द्रीय समितिको निर्णय अनुसार जिल्लामा पनि बिषेश आन्तरिक अभियान सुरु गरीएको हो ।
पार्टीका अन्तरिक कमिकमजोरी पत्ता लगाई त्यसको सुधार गर्दै पार्टीलाई गतिशिल, चलायमान, सवल एवं सक्षम बनाउने उदेश्यले आन्तरिक अभियान सुरु गरीएको कांग्रेस रुपन्देहीका सभापति रामकृष्ण खाणले जानकारी दिए । उनका अनुसार अभियानका लागी केन्द्रीय समितीबाट केन्द्रीय सदस्य पुष्पा भुुसाल, प्रदेश समितीबाट गुल्मीका पुर्व पार्टी सभापति त्रिलोक प्रताव सिहं खटिएका छन् । प्रतिनीधीहरुले अभियानको उद्देश्यबारे जिल्लालाई जानकारी गराएका थिए । त्यसको साथै मंगलवार बसेको जिल्ला कार्य समीतीको बैठकले पनि क्षेत्र र स्थानीय तहमा जिल्लाबाट प्रतिनीधी खटाउने निर्णय गरेको छ । केन्द्र र प्रदेश प्रतिनिधीको उपस्थितीमा यहि साउन २५ गते क्षेत्र नं १, २६ गते क्षेत्र नं २, २८ गते क्षेत्र नं ३, २९ गते क्षेत्र नं ४ र ३० गते क्षेत्र नं ५ मा क्षेत्रीय एवं प्रदेश समितीसगं कार्यक्रम हुने छ । जिल्ला बाट खटीएका प्रतिनधिहरुले पालीका समितीसगं समन्वय गरेर यहि बिचमा कार्यक्रम गर्ने र साउन ३२ गते अभियानको औपचारिक समापन गरीने सचिव हरि काफ्लेले जानकारी दिए ।
उनका अनुसार जिल्लाले पनि क्षेत्र नं १ मा कोषाध्यक्ष हरि प्रशाद अर्याल, क्षेत्र नं २ मा सह सचिव वासुदेव रिमाल, ३ मा सचिव हरी काफ्ले, ४ मा सहसचिव बिष्णु थापा र क्षेत्र नं ५ मा सचिव परमानन्द भट्टराईलाई खटाएको छ ।
त्यस्तै जिल्ला सदस्यहरुलाई स्थानीय तहमा खटाईएको छ । देवदह नगरपालीकामा राजकुमार काफ्ले, तिलोत्तमामा सिता पोख्रेल, ओमसतियामा मोहम्द सलिम खाँन, रोहिणीमा तिलक ज्ञवाली, बुुटवलमा खिम क्षेत्री, सैनामैनामा सुनिता चौधरी, सिद्धार्थनगरमा हरिकला पाण्डे, सियारीमा कविता लम्साल, सुद्धोधनमा तारा चौधरी, मायादेविमा शुष्मा हमाल, कोटहीमाईमा प्रीयङका शाही, मर्चवारीमा डिल बहादुर चौधरी, सम्मरीमाईमा प्रकाश गुप्ता, लुम्विनीमा जिवन बन्धु तिवारी, गैडहवामा रुद्रमान चौधरीलाई खटाएको छ ।