बुटवल २० माघ ।
साताको पहिलो कारोबार दिन सेयर बजार परिसूचक (नेप्से) झण्डै ७० अंकले बढेको छ । आज आइतबार सेयर बजार ६९.८० अंकले बढ्दा सेयर बजार परिसूचक २७२७ बिन्दु भन्दा पनि माथि उक्लिएको हो ।
आज नेप्से परिसूचक ६९.८० अंकले बढेर दुई हजार ७२७.५८ विन्दुमा कायम भएको छ। यो २.६२ प्रतिशतको वृद्धि हो।
आज कारोबार रकम पनि झन्डै १३ अर्बमा पुगेको छ। आज ३३० कम्पनीको दुई करोड ४८ लाख ४८ हजार कित्ता सेयर १२ अर्ब ९५ करोड ५७ लाख रुपैयाँबराबरमा कारोबार भएको छ।