रुपन्देही १३ चैत ।
रुपन्देहीको सिद्धार्थनगर नगरपालिकाले महिला नेतृहरुबीच अन्तरसम्वाद गराउने भएको छ । पुर्व राष्ट्रपति विद्यादेवी भण्डारीको प्रमुख आतिथ्यतामा लुम्बिनी प्रदेश भित्रका महिला जनप्रतिनिधीहरु बिच यही चैत १६ गते शनिवार पटवा बेङक्युटमा अन्तरसम्वाद कार्यक्रम आयोजना गरीएको सिद्धार्थनगर नगरपालिकाका उपप्रमुख उमा अधिकारीले जानकारी दिईन ।
कार्यक्रममा नेपालि कांग्रेसको तर्फबाट केन्द्रीय सदस्य गंगा शाही, एमालेबाट पार्टी केन्द्रीय सचिव पद्मा अर्याल र माओबादी केन्द्रको तर्फबाट पुर्व सचांरमन्त्री रेखा शर्मा बक्ताको रुपमा आमन्त्रण गरिएको छ । उद्घाटन र बन्द सत्र गरी दुई सत्रमा कार्यक्रम आयोजना गरीएको र उक्त कार्यक्रममा लुम्बिनी प्रदेसका महिला सभासद, स्थानीय तहका महिला प्रमुख, उप प्रमुख, महिला अध्यक्ष, उपाध्यक्ष, महिला वडा अध्यक्ष, महिला कार्यपालिका सदस्यलाई आमन्त्रण गरिएको उप प्रमुख अधिकारीले जानकारी दिईन ।
महिला जनप्रतिनिधिहरु बिच कार्यसम्पदानमा आईपरेका समस्या, समाधान, उपलब्धि, भावि सम्भावना लगायतका बिषयमा केन्द्रीत रहेर अन्तरसम्वाद कार्यक्रमको आयोजना गरिएको सिद्धार्थनगर नगरपालिकाका प्रमुख इश्तियाक अहमद खाँले जानकारी दिए ।