कपिलबस्तु १५ भदौ ।
लुम्बिनी प्रदेश सरकारका सामाजिक विकास मन्त्री जन्मजय तिमिल्सिनाले पुस्तकालयलाई केवल पुस्तक राख्ने स्थान नभई ज्ञान, चेतना र संस्कृतिको केन्द्रका रूपमा रहेको बताएका छन् । सामाजिक बिकास मन्त्रालयले १८ औँ पुस्तकालय दिवस–२०८२ को अवसरमा कपिलबस्तुको तौलिहवामा आयोजित कार्यक्रमलाई सम्बोधन गर्दै मन्त्री तिमिल्सिनाले पुस्तकालय समाजलाई शिक्षित, सशक्त र जागरूक बनाउन सक्ने अमूल्य सम्पत्ति भएको र सूचना र प्रविधिको युगमा पुस्तकालयको महत्व झन् बढ्दै गएको बताएका छन् ।
“हाम्रो पुस्तकालय, हाम्रो भविष्य” भन्ने नाराले जिम्मेवारी र संकल्प दुवै दिलाएको उल्लेख गर्दै मन्त्री तिमिल्सिनाले पुस्तकालयलाई जन–जनको अभियान बनाउन सबैलाई आह्वान गरे । बालबालिकादेखि वृद्धसम्म सबैलाई पुस्तकालयतर्फ आकर्षित गर्नु पर्ने र, अध्ययन–संस्कृतिको पुनर्जागरण मार्फत उज्ज्वल भविष्य निर्माण गर्न आवश्यक रहेको उनले बताएका छन् ।
मन्त्री तिमिल्सिनाले लुम्बिनी प्रदेश भित्र ११० सामुदायिक पुस्तकालय रहेको तथ्याङ्क प्रस्तुत गर्दै प्रदेश सरकारले यी पुस्तकालयहरूको पहिचान, स्तरोन्नति र सुदृढीकरणलाई प्राथमिकतामा राखेको बताएका छन् । साथै उनले सामुदायिक पुस्तकालयलाई शैक्षिक स्रोत केन्द्रका रूपमा विकास गर्ने, विद्यालय पुस्तकालयलाई आधुनिक शिक्षण सामग्रीले सुसज्जित बनाउने, डिजिटल पुस्तकालय प्रणालीलाई विस्तार गर्ने तथा पुस्तकालय सञ्चालनमा स्थानीय तह, विद्यालय, समुदाय र निजी क्षेत्रबीच सहकार्य गर्ने नीति अवलम्बन गरिएको बताए ।

सो अवसरमा वि.सं. १९९३ सालमा स्थापना भएको पशुपति प्रताप पुस्तकालयलाई सम्मान गरिएको थियो । कार्यक्रमा प्रदेश सभा सदस्य सुधाकर पाण्डेयले पुस्तकालयको मागहरुबारे मन्त्रालयका मन्त्री तथा कर्मचारी समक्ष प्रकाश पारका थिए ।
मुख्यमन्त्री तथा मन्त्रीपरिषद् कार्यालयका प्रदेश सचिव कवीन्द्र नेपालले पठन संस्कृति र पुस्तकालय पूर्वाधारका लागि स्थानीय तहले पनि उचित कदम चाल्न आग्रह गरे । शिक्षा तथा सामाजिक बिकास निर्देशनालयका निमित्त महानिर्देशक नारायण पोख्रेलले पुस्तकालय जिवीत हुनका लागि पठनयोग्य पाठक सहित पठन संस्कृतिको बिकास गरिनुपर्नेमा बताए । कपिलवस्तु नगरपालिकाका प्रमुख सुदीप पौडेलले पुस्तकालयमा हरेक तह, बर्गका ब्यक्तिहरुले पुस्तक पढ्ने बानीको बिकास गर्नुपर्ने बताए । पुस्तकालयका अध्यक्ष राजेश कुमार पाण्डेय, बाणगंगा नगरपालिका शिक्षा शाखा प्रमुख खिम बहादुर जिसी, तिलौराकोट माध्यमिक बिद्यालयका प्रधानाध्यापक संजय कुमार बर्मालगायतले पुस्तकालयका बारेमा चर्चा गरेका थिए ।
यसैबीच, कपिलवस्तु जिल्ला स्तरीय माध्यमिक तह स्तरीय पठन संस्कृति बिकासमा पुस्तकालयको महत्व बिषयक बक्तृत्वकला प्रतियोगितामा प्रथम स्थान हासिल गर्ने हथौसा लिटिल स्टार इंगलिस बोर्डिंग स्कुल, बानपा ११ ओदारीका नवनित पाण्डेय, द्वितीय स्थान हासिल गर्ने श्री मध्यमिक बिद्द्यालय, बुद्धभूमि ९ इमिलियाका स्वीकृति भट्टराई, र तृतिय स्थान हासिल गर्ने ज्ञान पुन्ज बोर्डिंग स्कुल, बानपा २ राजपुरका शंकल्प भुसाललाई पुरस्कृत गरिएको छ ।
यस्तै, कपिलवस्तु नगरपालिका र गैरसरकारी संस्था महासंघ कपिलवस्तु सहितका संघसंस्थालाई समेत कार्यक्रमको अवसरमा सम्मान गरिएको छ । कार्यक्रममा पूर्वमन्त्री रीना नेपाल, बिजयनगर गाउँपालिका अध्यक्ष गोपाल बहादुर थापा, शुद्धोधन गाउँपालिका अध्यक्ष कमलेश शरण चौधरी, सुरक्षाकर्मी, समाजसेवी, शिक्षाप्रेमी, शिक्षक, विद्यार्थी र पत्रकारहरूको उल्लेख्य सहभागिता रहेको थियो ।
सामाजिक बिकास मन्त्रालयका सचिव बसन्त प्रसाद कोईरालाको अध्यक्ष, मन्त्री तिमिल्सिनाको प्रमख आतिथ्यता रहेको कार्यक्रममा सामाजिक बिकास महाशाखा प्रमुख ऋषिराज शर्माको स्वागत मन्तब्य र बरिष्ठ शिक्षा अधिकृत वेगम केसीको संचालनमा सम्पन्न भएको थियो ।