बुटवल १५ भदौ ।
नेकपा माओवादी केन्द्रका अध्यक्ष पुष्पकमल दाहाल प्रचण्डले सहिद स्मृति प्रतिष्ठान रुपन्देहीका संस्थापक अध्यक्ष स्वर्गीय राम प्रसाद बञ्जाडे टंकमणीको शालिक अनावरण गरेका छन् । आइतबार प्रतिष्ठानको बुटवलस्थित कार्यालय परिसरमा टंकमणिको शालिक अनावरण गरेका हुन्। सो अवसरमा टंकमणि एक क्रान्तिबीज पुस्तकको पनि विमोचन गरिएको छ ।

कार्यक्रममा प्रचण्डले क्रान्तिकारी योद्धाका रुपमा पञ्चायती ब्यवस्था विरुद्ध देखि अन्य परिवर्तनका आन्दोलनमा टंकमणिले असाधरण सक्रियता देखाउने गरेको स्मरण गरे । टंकमणि जनयुद्ध कालमा पनि असाध्यै सक्रिय हुनुहुन्थ्यो, कहिलेकाही उहाको सक्रियता देख्दा यति धेरै सक्रिय किन हुन्छ ? के हो भन्ने प्रश्न उठ्ने गर्थे, प्रचण्डले भने, तर समयक्रमसगै पार्टी काम, ब्यवहार र गतिविधिबाट टंकमणिले राम्रै जवाफ दिनुहुन्थ्यो ।
क्रान्ति, पार्टी, राष्ट्र र जनताप्रति दृढतापूर्वक उभिने टंकमणि जोखिमपूर्ण कामको जिम्मा लिएर पार्टी र जनयुद्धलाई योगदान पु¥याएको स्मरण पनि उनले गरे ।
टंकमणिको सक्रियताको बारेमा कुरा राखेका प्रचण्डले आफ्नो राजनीतिक जीवनमा पनि बढी सक्रियता हुदा प्रश्न उठेको पनि सम्झिए । म भरखर पार्टीमा होलटाइमर भएर आएपछि असाधरण सक्रिय थिए, हुन त म अहिले पनि छु –प्रचण्डले भने ।
हाइस्कूलको जागिर छाडेर सेल कमिटीमा वस्न आएर किन यति धेरै असाधरण सक्रिय छ भनेर जिल्ला कमिटीमा आफ्ना बारेमा त्यतिबेला चर्चा हुने गरेको पनि उनले सम्झिए ।
प्रतिष्ठानका अध्यक्ष हरिप्रसाद घिमिरेले संस्थापक अध्यक्षको योगदानलाई स्मरण गर्ने गरी कार्यालय परिसरमा टंकमणिको शालिक निर्माण गरिएको बताए ।
कार्यक्रममा बुटवल उपमहानगरपालिका प्रमुख खेलराज पाण्डेले टंकमणि सग विताएका क्षणहरुको स्मरण गरेका थिए । उनले उपमहानगर सबै पक्षलाई समेटेर अघि वढीरहेको दावी पनि गरे । कार्यक्रममा पत्रकार तथा लेखक डीआर घिमिरेले टंकमणि एक क्रान्तिबीज पुस्तकका बारेमा चर्चा गरेका थिए । तयस्तै डाक्टर सुरेन्द्र गिरि, गोपी ज्ञवालीलगायतले पनि टंकमणिको योगदान तथा पुस्तकका बारेमा धारणा राखेका थिए ।
कार्यक्रममा माओवादी केन्द्रका उपमहासचिव बर्षमान पुन, पार्टी सचिव तथा लुम्बिनी प्रदेश ईन्चार्ज चक्रपाणि खनाल, पूर्व सभामुख ओनसरी घर्ति, पूर्व मन्त्रीहरु रेखा शर्मा, लुम्बिनी प्रदेशका पूर्व मुख्यमन्त्रीहरु कुल प्रसाद केसी, जोख बहादुर महरालगायत नेता कार्यकर्ताको सहभागिता रहेको थियो । स्व।टंकमणिको २०७८ मंसिर ८ गते सवारी दुर्घटनामा निधन भएको थियो ।