बुटवल १४ मंसिर ।
साताको पहिलो कारोबार दिन आइतबार नेपाल स्टक एक्सचेन्ज (नेप्से) परिसूचक दोहोरो अंकले ओरालो लागेको हो। आज नेप्से परिसूचक २६.५१ अंकले घटेर २६४९.५२ विन्दुमा झरेको छ।
अघिल्लो साता हरेक दिन बढेको सेयर बजारमा आज करेक्सन देखिएको हो ।
आज नेप्से घट्दा कारोबार रकममा भने वृद्धि भएको छ। बिहीबार साढे ६ अर्ब रुपैयाँबराबर रहेको कारोबार रकम आज सात अर्बमाथि उक्लिएको हो। आइतबार ३४२ कम्पनीको एक करोड ५७ लाख ३६ हजार कित्ता सेयर सात अर्ब आठ करोड ५४ लाख रुपैयाँमा खरिद–बिक्री भएको छ।