बुटवल, १४ मंसिर ।
कालिका मानवज्ञान मावि बुटवलबाट कक्षा १२ उत्तिर्ण गरेका ४२ जना विद्यार्थीले नेपाल सरकारले प्रदान गर्ने स्नातक तर्फ विभिन्न संकायका निःशुल्क छात्रवृत्तीमा नाम निकाल्न सफल भएका छन् । जुन सामुदायीक विद्यालयतर्फ हाल सम्मकै सबैभन्दा बढि संख्या हो ।
एकै पटकमा एमबीबीएस तर्फ ११ जनाले निःशुल्क नाम निकालेका छन । विद्यालयका प्रध्यानाध्यापक दिनेश थापाका अनुसार ११ जनाले एमबीबीएस तर्फ, २३ जना इन्जिनियर तर्फ, २ जना वि फार्मा तर्फ, २ जना विएस्सी नर्सिंग तर्फ, २ जना बिभिएस्सीतर्फ, १ जना वि टेक तर्फ, र विविएस तर्फ १ जनाले निःशुल्क छात्रवृत्तीमा नाम निकाल्न सफल भएका हुन ।
प्रधानाध्यापक थापाका अनुसार विद्यालय तहमा शिक्षक, विद्यार्थी र अभिभावकको साझा सहकार्यबाट मात्रै उत्कृष्ठ नतिजा प्राप्त गर्न संभव भएको हो ।
कालिका मानवज्ञान मावि बुटवल १० कालिकानगर र रामनगर गरी दुई वटा सेक्टरमा सञ्चालित छ, जहाँ ८ हजार भन्दा बढि विद्यार्थी अध्ययन गर्दै आएका छन् ।