बुटवल २९ असोज ।
दुई खेल बाँकी छँदै नेपाल सन् २०२६ मा हुने टी२० विश्वकप क्रिकेटका लागि छनौट भएको छ । यो सँगै लगातार टी२० विश्वकप खेल्ने नेपालको लक्ष्य पूरा भएको छ।
नेपाल र ओमान आइसिसी टी–२० विश्वकपमा छनोट भएका हुन्। बुधबार ओमानमा भएको छनोटको सुपर सिक्समा युएईले सामोआलाई हराएसँगै अंकको आधारमा नेपाल र ओमान विश्वकप छनोट भएका हुन्।
योसँगै विश्वकपमा स्थान बनाउने २० मध्ये १९ टोलीको टुंगो लागेको छ। विश्वकप सन् २०२६ मा भारत र श्रीलंकामा आयोजना हुँदैछ।

नेपाल तेस्रो तथा ओमान चौथोपटक विश्वकपमा छनोट भएका हुन्। नेपाल लगातार दोस्रोपटक विश्वकप खेल्दैछ। नेपालले यसअघि सन् २०१४ र २०२४ मा विश्वकप खेलेका थियो। ओमानले सन् २०१६, २०२१ र २०२४ मा विश्वकप खेलेको थियो।