बुटवल ।

बुटवल उपमहानगरपालिकाको प्रमुखमा कांग्रेसका खेलराज पाण्डे झण्डै २ हजार मतले अगाडी रहेका छन । मत गणनाको पछिल्लो विवरण अनुसार यहा प्रमुख पदमा कांग्रेसका पाण्डेले एमालेका उम्मेदवार बाबुराम भट्टराई भन्दा १ हजार ८ सय १७ मतले अगाडी छन । यहा पाण्डेले ५ हजार ५ सय ५५ मत प्राप्त गर्दा एमालेका भट्टराईले ३ हजार ७ सय ४१ मत प्राप्त गरेका छन । यहा राप्रपाका उम्मेदवार मृगेन्द्र शेरचनले १ हजार ४ सय ५ मत प्राप्त गरेका छन । त्यस्तै उपप्रमुखमा एमाले उम्मेदवार सावित्रादेवी अर्यालले ४ हजार २ सय ५७ मत प्राप्त गर्दा नेकपा एकीकृत समाजवादीका चिनवहादुर गुरुगंले ३ हजार १ सय ४० मत प्राप्त गरेका छन । यहा राप्रपा उम्मेदवार भगवती पाण्डेले १ हजार ८ सय ५ मत प्राप्त गरेकी छिन । बुटवलमा वडा नम्वर १,२ , ३ र १९ वडाको मत गणना सकिएको छ । यहा वडा नम्वर ४, १८ र १७ नमवर वडाको मत गणना जारी रहेको छ । बुटवल उपमहानगरपालिकामा सत्ता गठबन्धनका वीच प्रमुख र उपप्रमुखमा तालमेल रहेको छ भने अर्को तर्फ एमाले र जनमुक्ति पार्टीका वीच तालमेल रहेको छ ।