बुटवल ।  बुटवलका पत्रकार टेक मास्की रानाको उपचारको क्रममा मृत्यु भएको छ । रुपन्देहीलाई कार्यक्षेत्र बनाएर पत्रकारितामा क्रियाशील रानाको बुधबार बिहान निधन भएको हो। रानालाई डेंगुसंगै मिर्गौला र जण्डिसको पनि समस्या देखिएको थियो । जण्डिस, निमोनिया र मिर्गौलामा समस्या देखिएपछि उनलाई असोज २६ गते लुम्बिनी प्रादेशिक अस्पताल बुटवलमा भर्ना गरिएको थियो।

रेडियो जागरणका समाचार प्रमुख रहेका राना नेपाल पत्रकार महासंघ रूपन्देहीका पूर्व कार्यसमिति सदस्य, पत्रकार महासंघ लुम्बिनी प्रदेश कमिटि सदस्य, आदिवासी जनजाति पत्रकार महासंघ फोनिज रुपन्देहीको सचिव र उपाध्यक्ष रहेर काम गरेका थिए । स्वर्गीय रानाले दुई दशक लामो पत्रकारितामा निश्कलंक र स्वच्छ छवि बनाएका थिए ।केही वर्षअघि मात्रै श्रीमती गुमाएका रानाका एक छोरा र दुई छोरी छन्। सरल, पेशाप्रति बफादार र लगनशील रानाको निधनले पत्रकारिता क्षेत्रमा क्षति पुगेको महासंघले जनाएको छ।