बुटवल,१७ चैत ।

प्रधानमन्त्री थ्री नेशन्स कपको उपाधि नेपालले जितेको छ । दशरथ रंगशालामा  फाइनल खेलमा लाओसलाई २–१ गोलअन्तरले पराजित गर्दै आयोजक नेपालले प्रधानमन्त्री थ्री नेशन्स कपको उपाधि उचालेको हो ।

नेपाललाई उपाधि दिलाउन मनीष डाँगी र आयुष घलानले गोल गरे । मनीषले ८९औँ मिनेटमा आकर्षक फिनिसिङ गर्दै नेपाललाई जिततर्फ उन्मुख गराएका थिए ।

पहिलो हाफमा दुवै टिमले एक–एक गोल गरेका थिए । खेलको १७औं मिनेटमा लाओसले सुरुवाती गोल गर्दै अग्रता बनाएको थियो । त्यसको ७ मिनेटपछि आयुस घलानले एक गोल गर्दै नेपाललाई बराबरीमा पुर्याएका थिए । पहिलो हाफको तुलनामा नेपालले दोस्रो हाफमा उत्कृष्ट खेल प्रदर्शन गर्यो ।