२०८१ श्रावण ३

सियारीलाई पुर्ण सस्थागत प्रसुती सेवायुक्त पालिका घोषणा गरिदै
  • लुम्बिनी खोज
  • २०८० चैत्र १०, शनिबार १६:०९ गते

बटवल,१० चैत ।

रुपन्देहीको सियारी गाँउपालिकाले पुर्ण सस्थागत प्रसुती सेवायुक्त पालिका घोषणाको तयारीमा जुटेको छ ।
पालिकाले यसै आर्थिक बर्ष भित्र पुर्ण सस्थागत प्रसुती सुेवायुक्त पालिका घोषणाका लागि अभिमुखिकरण समेत शुरु गरिएको छ ।
लुम्बिनी प्रदेश स्वास्थय निर्देशनालयले तयार गरेको पुर्ण सस्थागत प्रसुति सेवायुक्त स्थानीय तह र जिल्ला घोषणा तथा सुनिष्चितता सम्बन्धी मापदण्ड २०८० अनुसार काम अगाडि बढाईएको स्वास्थ्य शाखा प्रमुख बुद्धिबहादुर घर्तीले जानकारी दिए । उनले सियारीलाई यसै आर्थिक बर्ष भित्रै पुर्ण सस्थागत प्रसुति सेवायुक्त स्थानीय तह घोषणा गर्न लागिएको बताए ।

स्वास्थ्य मापदण्ड अनुसार कम्तीमा चार पटक गर्भ जाँच गरेका गर्भवती महिलाहरु कम्तिमा ९० प्रतिशत, दक्ष प्रसुतिकर्मीद्वारा ९५ प्रतिशत सुत्केरी स्वास्थ्य सस्थामा गराएको, घरमा हुने प्रसुती सुन्य र प्रोटोकल अनुसार तीन पटक सुत्केरी जााच कम्तीमा ९० प्रतिशत गराएको सुनिष्चितता भएपछि जिल्ला समन्वय समितिले घोषणा गर्न सक्ने छ ।
सियारी गाँउपालिकाका अध्यक्ष थानेश्वर घिमिरे सियारीले स्वास्थ्य क्षेत्रमा उल्लेखनिय लगानी सहितको कार्यक्रम गरेका कारण पुर्ण सस्थागत प्रसुती सेवायुक्त पालिका घोषणाको तायरीमा जुट्न सकिएको बताए । उनले सियारी ४ छपियामा १५ सैयाको आधारभुति अस्पताल निर्माणको कामलाई तिव्रता दिएको बताउदै यसको निर्माण पश्चात सियारीवासीले स्वास्थ्य उपचारमा ठुलो सहयोग पुग्ने बताए ।
सियारीले यस अघि १२ हप्ता भित्रमा फोलिकएसिड चक्की, ३ महिना पुरा भएपछि क्यालसियम, आईरन र फोलिकएसिड, जुकाको औषधी खुवाउने र प्रोटोकल अनुसार ८ पटक जाँच, स्थानीय दुईवटा बर्थिङ सेन्टरमा सामान्य प्रसुति सेवा र जटिल खालकालाई रिफर गर्ने गरिन्छ । सुत्केरी भएपश्चात पनि उनीहरुलाई प्रोटोकल अनुसार कम्तिमा तीन पटक नर्सिङ स्टाफले स्वास्थ्य परिक्षण गर्ने गर्दछन् ।

सियारी गाँउपालिकाले उपाध्यक्ष सहित सुत्करी भेट तथा पोषण सामग्री वितरण समेत गर्दै आएको थियो । सियारी गाँउपालिकाका अध्यक्ष थानेश्वर घिमिरे सियारीले स्वास्थ्य क्षेत्रमा उल्लेखनिय लगानी सहितको कार्यक्रम गरेका कारण पुर्ण सस्थागत प्रसुती सेवायुक्त पालिका घोषणाको तायरीमा जुट्न सकिएको बताए ।