बुटवल १२ कात्तिक ।
आज सेयर बजारमा दोहोरो अंकको वृद्धि भएको छ । तीन दिन लगातार घटेको बजार चौथौ दिनमा २७.४१ अंकले बढेको हो । आज नेप्से परिसूचक २६४५.३६ बिन्दुमा उक्लिएको छ ।
आज सेयर बजारका सबै सूचक बढेका छन् ।
आज कारोबार रकम पनि बढेको छ । अघिल्लो दिन ४ अर्ब ७३ करोडको कारोबार भएकोमा आज सोमवार ५ अर्ब ३४ करोडको कारोबार भएको छ । आज ३०७ कम्पनीको १ करोड ४ लाख १८ हजार कित्ता सेयर खरिदबिक्री भएको छ । २१३ कम्पनीको मूल्य बढ्दा २८ को घट्यो भने २ को स्थिर रह्यो ।
कारोबार रकमका आधारमा नेपाल फाइनान्स, समृद्धि फाइनान्स, लाइफ इन्स्योरेन्स कर्पोरेसन, जानाकी फाइनान्स, पिपुल्स हाइड्रोपावर क्रमशः अगाडि रहे ।