२०८१ चैत्र २१

थकाली ए लाई धनुषबाण प्रतियोगिताको उपाधि
  • लुम्बिनी खोज
  • २०८१ चैत्र ३, आईतवार १५:१८ गते

बुटवल ३ चैत ।
थकाली सेवा समितिद्धारा बुटवलमा तोरन्ल्ह (फागु पुर्णिमा)को अबसरमा आयोजित धनुष बाण प्रतियोगितको उपाधि थकाली ए टिमलेले हात पारेको छ । । प्रथम बनेको सो टिमले नगद २० हजार र मेडल प्राप्त गरेको छ । त्यस्तै प्रतियोगितामा सैनामैना अचौरी कल्व द्धितिय भएको छ । जसले रु १५ हजार नगद र मेडल प्राप्त गरेको छ । प्रतियोगितामा छन्त्याल बि टिम तृतिय भएको छ । जसले रु १० हजार नगद र मेडल प्राप्त गरेको छ । साथै धनुषवाण प्रतियोगितामा सर्बाधिक गोल कर्ता रबिन्द्र शेरचन ,सर्बोकृष्ट खेलाडी सुन बहादुर पुन र उदियमान खेलाडी प्रिन्सेस तुलाचनले नगद र प्रमाण पत्र प्राप्त गरेका छन ।

थकाली सेवा समिति रुपन्देहीको थकालीहरुको महान पर्वको अबसरमा गत फागुन २७ गते देखि चैत ३ गते सम्म चलेको प्रतियोगितामा सात टिमको सहभागिता रहेको थियो ।
पुरस्कार बितरण कार्यक्रममा बोल्दै थकाली सेवा समाजका निवर्तमान अध्यक्ष लाल बहादुर गौचनले थकालीहरुको महान चाड तोरन्ल्ह (फागु पुर्णिमा) भएको बताउदै बिगतमा जस्तै यस वर्ष पनि धनुषबाण प्रतियोगितको साथै बिभिन्न सास्कृतिक कार्यक्रम गरिएको जानकारी दिए ।
कार्यक्रम थकाली सेवा समितिका अध्यक्ष नेपाल तारा गौचनको अध्यक्षता सम्पन्न कार्यक्रमको संचालन सचिव बसन्त गौचनले गरेका थिए ।