मौद्रिक क्षेत्र र समष्टिगत अर्थतन्त्रको पर्याप्त सैद्धान्तिक ज्ञान रहेकाले श्रेष्ठ गर्भनरको लागि बढी उपयुक्त पात्र रहेको चर्चा
काठमाण्डौं १३ चैत ।
नेपाल राष्ट्र बैंकको भावि गभर्नरका लागि चर्चामा रहेका नेपाल राष्ट्र बैंकका कार्यकारी निर्देशक प्रकाशकुमार श्रेष्ठले पदबाट राजीनामा दिएका छन् । बुधवार राष्ट्र बैंकको कार्यकारी निर्देशक पदबाट राजिनामा दिएका छन् ।
अमेरिकाबाट मौद्रिक अर्थशास्त्रमा विद्यावारिधि हासिल गरेका राष्ट्र बैंक गभर्नर आकाँक्षी श्रेष्ठले राष्ट्र बैंकबाट राजीनामा दिनुलाई अर्थपूर्ण रूपमा हेरिएको छ ।
गभर्नरका लागि चर्चामा रहेका मध्ये डा. श्रेष्ठ सग लुम्बिनी प्रदेश योजना आयोगको उपाध्यक्ष र अर्थमन्त्रीको आर्थिक सल्लाकारको रुपमा काम गरेको अनुभव छ । प्रदेशलाई स्थापना गर्न पहिलो पटक प्रदेशको प्रोफाइल र पहिलो योजना बनाउने देखि महत्वपूर्ण भुमिका उनले निर्वाह गरेका थिए । उनले लुम्बिनी प्रदेशमा गरेका काम अन्य प्रदेशका लागि सिकाइका माध्यम बनेको चर्चा पनि चल्ने गर्छ ।
त्यस्तै उनी संघीय सरकारको अर्थमन्त्रालयमा आर्थिक सल्लाहाकारको जिम्मेवारी समालिसकेका छन् भने हाल राष्ट्रिय योजना आयोगको सदस्यको जिम्मेवारीमा छन् । उनको अनुभवले वित्त नीति र मौद्रिक नीतिको अन्तरसम्बन्ध कायम राख्न सहयोगी हुने, अर्थशास्त्रमा स्नातकोत्तर गर्दा कर प्रणाली सम्बन्धमा थेसिस लेखेकोले वित्त नीतिको सैद्धान्तिक ज्ञान रहेको तथा मौद्रिक अर्थशास्त्रमा विद्यावारिधि गरेकोले मौद्रिक क्षेत्र र समष्टिगत अर्थतन्त्रको पर्याप्त सैद्धान्तिक ज्ञान रहेकाले उनी गर्भनरको लागि बढी उपयुक्त पात्र रहेको बताइन्छ ।
मौद्रिक र विनिमय दर नीति सम्बन्धमा अध्ययन र अनुसन्धान गरेको र सो सम्बन्धमा अन्तर्राष्ट्रिय जरनलहरूमा लेखहरू प्रकाशित गरेका श्रेष्ठ अष्ट्रेलियाबाट अर्थशास्त्र र वित्तमा स्नातकोत्तर र अमेरिकाबाट मौद्रिक अर्थशास्त्रमा विद्यावारिधि हासिल गरेका छन् ।