काठमाण्डौं १३ भदौ ।
झण्डै ६ करोड रुपैयाँ बराबरको अकुत सम्पत्ति आर्जन गरेको आरोपमा अख्तियार दुरुपयोग अनुसन्धान आयोगले एकजना नापी अधिकृतविरुद्ध मुद्दा दायर गरेको छ । जिल्ला नापी कार्यालय, रुपन्देहीका निमित्त प्रमुख सुग्रीव यादबविरुद्ध आयोगले बिशेष अदालतमा शुक्रवार मुद्दा दायर गरेको हो ।
सरकारी मुल्याकनअुनसार उनको पाँच करोड ७९ लाख ६२ हजार चार सय ४० रुपैयाँ बराबरको सम्पत्तिको स्रोत नखुलेको आयोगले जनाएको छ । यादब लामो समयदेखि राजनीतिक पहँुचका आधारमा उपसचिव प्रमुख हुने कार्यालयमा निमित्त प्रमुख भएर काम गर्दै आएका थिए । माथिल्लो बिभागीय प्रमुख र राजनैतिक ब्यक्तिहरुलाई प्रभावमा पारी प्रमुख नापी अधिकृत ९उपसचिव० कार्यालय प्रमुख रहने दरबन्दी रिक्त बनाई, बैदेशिक अध्ययनमा गएका कर्मचारीको पद, दरबन्दी कायम गरी दशौं बर्ष निमित्त कार्यालय प्रमुख पदमा रही, सरकारी सार्वजनिक जग्गाहरु हाल साबिक, प्लट मिलान गर्ने नाममा सार्वजनिक जग्गाहरु ब्यक्तिको नाउँमा पारी करौडौंको आर्थिक चलखेल गर्ने, साथै पदीय मर्यादा विपरीतका कार्यहरू गरी गैरकानूनी सम्पत्ति आर्जन गरेको भन्ने उजुरी निवेदन उपर अनुसन्धान गरेको आयोगले जनाएको छ ।
उनले छोराहरुसँग अंशबण्डा गरेर उनीहरूकै नाममा सम्पत्ति जोडेको समेत आयोगको आरोपपत्रमा उल्लेख छ ।