२०८२ भाद्र १५
बुटवल १४ भदौ ।
सुस्ता बचाउ अभियान नवलपरासी र सुस्ता बचाउ युवा अभियानको संयुक्त आयोजनामा सुस्ता अवलोकन तथा सहभोज संवाद कार्यक्रम सम्पन्न भएको छ । शनिवार गरिएको अवलोकनसहितको कार्यक्रममा लुम्बिनी प्रदेशका प्रदेश प्रमुख देखि सीमाविद सम्मका ब्यक्तित्वहरुको सहभागिता रहेको थियो ।
बुटवल स्थीत नवीन औद्योगिक कदरबहादुर रिता माविका प्रधानाध्यापक प्रेमबहादुर बस्नेतका अनुसारकार्यक्रममा लुम्बिनी प्रदेश प्रमुख कृष्णबहादुर घर्तीको प्रमुख आतिथ्यता रहेको थियो । त्यस्तै लुम्बिनी प्रदेशका सभामुख तुलाबहादुर घर्ती, लुम्बिनी प्रदेशका वन तथा वातावरण मन्त्री देवकरण कलवार, प्रदेश उपसभामुख मेनुका खाण केसी, नापी विभागका पूर्व महानिर्देशक तथा सीमाविद बुद्धिनारायण श्रेष्ठको विशिष्ट अतिथ्यतामा कार्यक्रम सम्पन्न भएको थियो । त्यस्तै कार्यक्रममा प्राध्यापक डाक्टर सूर्यबहादुर जिसी, बर्दघाट सुस्ता पश्चिमका प्रमुख जिल्ला अधिकारी हिरालाल सुवेदी, बुटवल कालिका क्याम्पसका क्याम्पस प्रमुख घनश्याम पाठक, जिल्ला प्रहरी प्रमुख प्रहरी उपरीक्षक, सशस्त्र प्रहरी उपरीक्षक, लुम्बिनी प्रादेशिक अस्पतालका डाक्टर नेत्रबहादुर राना, विभिन्न सामुदायिक तथा संस्थागत विद्यालयका प्रधानाध्यापकहरू, विभिन्न कार्यालयका कार्यालय प्रमुखहरू, विभिन्न संचार माध्यमका पत्रकारहरू, नागरिक अगुवाहरू, सुस्ता बचाउसँग सम्बन्धित सरोकारवालाहरू, सुस्ता बासीहरूलगायतको उत्साहजनक सहभागिता रहेको थियो ।
सुस्ता बचाउ अभियानका अध्यक्ष आदम खाको अध्यक्षतामा सुस्ता बचाउ अभियानका अभियन्ता योगेन्द्र गौतमको सञ्चालनमा कार्यक्रम सम्पन्न भएको थियो। कार्यक्रम पश्चात सहभोज कार्यक्रम गरिएको थियो ।