बुटवल ।
रोटरी क्लव अफ बुटवल र रोट¥याक्ट क्लव अफ बुटवलले संयुक्तरुपमा शुक्रबार वृक्षारोपण कार्यक्रम सम्पन्न गरेका छन् ।
तिलोत्तमा नगरपालिका डिंगरनगरस्थित श्रृंगेश्वर धाम परिसरमा रहेको रोटरी बाटिकामा दुई क्लवले संयुक्तरुपमा वृक्षारोपण गरेका हुन् । रोटरीयन र रोट¥याक्टरहरु सहभागी भएर वृक्षारोपण कार्यक्रम गरिएको रोटरी क्लव अफ बुटवलका अध्यक्ष बोनिन पियाले जानकारी दिए ।
कार्यक्रममा रक्तचन्दन, रुद्राक्ष जस्ता विभिन्न प्रजातिका बिरुवा रोपिएको थियो । त्यस अवसरमा अध्यक्ष पियाले रोपिएका बिरुवाको संरक्षण र मलजल गर्न श्रृंगेश्वर धामका सञ्चालकहरुलाई आग्रह गरे । उनले बिरुवाको रेखदेखका लागि क्लवले पनि बेलाबेलामा निरीक्षण गर्ने बताए ।
कार्यक्रम संयोजक रोट¥याक्ट क्लव अफ बुटवलका आइटी अफिसर प्रकाश भण्डारीले वृक्षारोपण गरी वातावरणीय संरक्षणमा सबैको ध्यान जानुपर्ने उल्लेख गरे । कार्यक्रममा रोटरी क्लव अफ बुटवलका पुर्व अध्यक्षहरु तथा बोर्ड सदस्यहरु, रोट¥याक्ट क्लव अफ बुटवलका अध्यक्ष नविनराज बन्जाडेल, सचिव प्रशान्त न्यौपाने लगायत विभिन्न रोटरीयन तथा रोट¥याक्टरहरुको सहभागिता रहेको थियो ।